فاطمة امهم اعـَـزّي

فاطمة امهم اعـَـزّي

المسلة كتابات – ميسون نعيم الرومي    :

يتغنج شغلته اويحچي باليعني
يتقاسم بالدخل و(البرهم) آنه اعني
هلبت غيرتك تصحه اوتتعلم
*من تونس (سعيد) اوشانك اتعلي
*
اهدمتوه العراق اگعتوا ع التلـَّه
لملوم امن الدول شيعيهم..كردي اوسني
عصابه الحاكمه سراق محترفين
اتجـوّع بالشعب والجار متهني
*
تخطف بالشباب اوتكتل اوتذبح
يا أم الشهيد اتعزي .. بس ونـّي
-(أحمد) العام انكتل واليوم (علاوي)-
-(فاطمه) أمهم اعزي.. والخبر احزني
*
آلاف اتعوقت ميات دمهم سال
سراق اتملينت فرحانه واتغني
نايم ياشعب تحمل مهانه اوذل
ما ترضه الظلم لا ذله..كل ضني
*
باوع للشعوب الداير اوميدور
اتغـيـر انظمه اتـثـلث اتـثـني
شاطر باللطم والطين فوگ الراس
لا مشفى لا مدرسه لا شارع المبني
*
لا تونس لحگنه لا مصر لا ايران
انوج اوننطفي چن خفت ! دافني
* (نوري السعيد) الگال من ازمان
-(مثل گبة البردي اوننطفي)-
والمثل ثاولني
—————————————-
*هنيئا للشعب التونسي برئيسه قيس بن المنصف بن محمد سعيّدهو
رئيس الجمهورية التونسية السابع وسياسي
وأستاذ جامعي مساعد مختص في القانون الدستوي
—————
(مو مثلنا احنه المگاريد)
————————————————————————————
قال نوري السعيد رئيس الوزراء في العهد الملكي
*شعب العراقي مثل الملح الفوار يفور لثواني ثم يخفت

 

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *