غـربة

غـربة

المسلة كتابات – ميسون نعيم الرومي:

غربه بيك اونبقه غربه – شوگ حسره اوهم حنين
اشگد عزيز اوانت كلشي – انت قبله وانت دين
هم اجيتك .. ما لگيتك – گلبي عندك ظل رهين
عيني ليك اودوم تربي – ابإذني صوتك چن رنين
روحي چنهه اطوير طاير- ايحومي تايه مـِنْ سـِـنين
ادموعي وآنه اشگد بچينه – ابگلبي حـُبك چن ونين
هذا عمري كلـَّـه ينزف – لكن انت اشگد ضنين
ليل طوَّل صبحه ضايع – وآنه اعدَّن بالسنين
روحي طاحت ضيعتهه – إنت وينك .. گلي وين؟
عمري عمرك ما يـِـضـَوَّن – ياگـمـر ليـلي ســـــجـيـن
البـِعـِـد دولبـنـه كافـي – اشبعنه يحبيب سحين
الحزن .. محزونه روحي – *(مو حزن لكن حزين)-
غربه بيك اونبقه غربه – غربتي ابروحي حنين
وانت رايح .. گلي وين؟
يا وطن .. گلي وين؟

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *