عن يا حمد تحچون؟

عن يا حمد تحچون؟

المسلة كتابات – علي فرهود:

حمد نگلة اجدامه…اتحدت اليمشون
حمد…. غيره وظمير اسنين
واعگاله شرف…
ما مره وكع وتمرغل
ابنص طين
حتى ابهاي تتشفون
الما يعرف حمد…..لا يحچي بالموخوش
الف قصه….
وصفها اللسان
والما يعرف…يدور وين اليعرفون
حمد…..مولود بالعشرين خلصنه القرن
وسفه الحچي الموجود
حمد لسه يناظل…والقرن
بالواحد وعشرين
شتگولون
حمد دله……حمد فنجان..
حمد راهب…حمد زاهد
حمد بردي….حمد فاله
ها ولكم يهل تحچون
زعاطيط ابنظر..
ربعه…
صدگانه…
فقير وعاش ارقه انسان
رغم العوز…
من چان القران
وزادة العانه
ظل هوه حمد نفسه
حمد……………….عضه الوكت عضا ت
. ابد عل الظيم لا ما بات
حمد…………..تفالگ…
مو بواگ
ظميره الوطن والانسان
فقير…وما صبح فرعون

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *