عـيــد الحــب

عـيــد الحــب

المسلة كتابات – ميسون نعيم الرومي:

صـَـبـَّح علينه اليوم والوردَه بيده
حب اوأمل وافراح عيشـه سـعيده
*
اهلا (يفالنتين) جيت اوتشارك
أحمر ورد عَ الناس إنثـِر وبارك
*
الحب ورد واشموع والگلب نـَوَّر
تتصافه كلهه الناس أبيض وأسمر
*
الحب گلب مرتاح خالي امن الاحقاد
اهلا (يفالنتين) كل ســنه اويـنعـاد
*
گـلب اليحب فرحان والدنيه حـِلـْـوَه
يوسع الكلهه الناس والجـَمـْعـَه سـَـلوَه
*
الحب تره مفضوح تحچـيه اللعيـون
گـَـلبه چـبـيـر اهواي اكبر من الكون
*
الحب سـمو للروح وايصـَـفـّي لگلوب
-(دبدوب) او ورد واعطور مني يمحبوب
*
اهلا وسـهلا بيك يالچـِـنت غايـب
غـَـنـَّـت طيور الحب والگلب ذايب
*
اكـتـِب ابهـذا اليـوم لحبابـي اعايـد
صحه اوسلامه اوحب الكم او رايد
*
الحب گمر وانجوم ! اشعاع اوشمس بيه
والبلد اليزوره الحب ! تـزهي أراضيه
*
أتمنه كون ابيوم تـتصافه لگـلوب
تتراضه كلهه الناس احبيب اومحبوب
*
كون الشعب يرتاح يتصالح الناس
ايعم الفرح والخير والوطن ع الراس
*
ادخيلك (يفالنتين) مرّ ابـوطنه
فرّگ ورد واشموع واعجن الحـِـنـَّـه

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *