شعر شعبي

شعر شعبي

المسلة كتابات – فلاح السيد:

أنه من دونك أضيع

أعثر بطعم الحلاة أل بيك
وأدعيلك شفاگه
وأنتظر منك نداوة عين ..
واستاهد گليبك
دفو من الله
وبيك عطر الياسمين ..
شوفني بگد مستحاي
أبابك ودمعه بعيوني ..
من أجيك تفيض شوگ
وأترس أحضاني هله
بملگاك وتمعن بوجهك
خاطر أحچيلك أشلوني ..
وشنهي لوني ..
وليش أجيك بواهس العطشان
واكسر ضـوه أعـيوني ..
يا خضار الله بحياتي
من زمن بايگ أسنيني
من وكت خلاني تايه
قيداني وشاخت أيامي
وعرفت أشگد أودك ..
بلله .. دخذ الشوف مني
شلي بعيون التشوف
وما تجيك ..
ترفه روحي وچانت
اتريدك حلال الله
وتشبگك ما تهدك
أشگد بعد بيه
والاوي جروحي سكته
وبيه فيض اشواگ
زود ويعتنيك ..
بگلبي صاير بسمله
بكل طاري اذكرك
بكل صلاة الله اندعيلك
واحچي بيك ..
مره صار أبالي أنشدك
واستحيت
وردت أنشدك
وستحيت
من تشوف أمرايتك
تـدري بحـلاتك
هم يرف گلبك عليك ..؟

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *