الى تشرين اهديها

الى تشرين اهديها

المسلة كتابات – ميسون نعيم الرومي:

نمشي ع الذهب وابيوتنه اگشاش اوطين
چا وينه الفرج؟ والبوگ (باسم الدين) !

دين الله هذا الدين مايرضه بالشــين
باچر يصير احساب مهربكم امنين ؟

متفقه كلهه اعليـك صايـر ذبـيحه
ذبحوا مدنه اليوم صارت جريحه

هـذا العـمر هالراح نعگـد بالجروح
صار الگلب خشخاش وامدوهنه الروح

كلمن اسـلاحه ايصيح بس آنه وآنه
استشره البلاء اشلون وامنين اجانه

بعيونچ حزن وادموع يحبيبه (بغداد)-
نفس الوجوه الســـود يوميـّه تنعـاد

وسـفه العراق الصار مثل الخرابه
ياهو اليجي يوليه ايطلبه طلابـه

هذا (العراق) الزين مهد الحضارة
ينهض قريب ابساع ايصحح مساره

نـتـأمـّـل (الأحرار) ولدچ بـلادي
همـَّـه الأمل والجاه زوج اوفرادي

فـَـرحوا گلبنه اسباع ولدچ (يتشرين)-
همـَّـه أملنه الجاي .. ابسـَـن القوانين

انتوا الخلاص الجاي وانتوا اللي تبنون
هذا (عراق) المجد يشهـدلهه الكون

 

ينشر موقع “المسلة كتابات” جميع ما يرد اليه، شرط أن يكون خاليا من السب والشتم والأوصاف غير اللائقة على الجهات والشخصيات.

“المسلة كتابات” لا يتحمل مسؤولية الأفكار والآراء الواردة. المقالات والنصوص المنشورة تعبّر  عن وجهة نظر الكاتب فقط. 

Please follow and like us:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *